Komisioni Qendror i Zgjedhjeve (KQZ), ka sqaruar se krjimi i Listës së Votuesve, për çdo komunë në Repubikën e Kosovës, është një proces i rregulluar me ligj dhe akte nënligjore.

„Pas raportimeve në media lidhur me krijimin e Listës së Votuesve dhe caktimin e votuesve në Qendra e Votimit për Zgjedhjet Lokale të 12 tetorit 2025, Komisioni Qendror i Zgjedhjeve e sheh të nevojshme të sqarojë këtë situatë. Sipas informacioneve të publikuara, qytetarë të ndryshëm, të cilët në proceset e kaluara zgjedhore kanë votuar në një komunë të caktuar dhe kësaj radhë kanë vërejtur se do të votojnë në një komunë tjetër, KQZ sqaron se krjimi i Listës së Votuesve, për çdo komunë në Repubikën e Kosovës, është një proces i rregulluar me ligj dhe akte nënligjore“, thuhet nw reagim.

Gjithashtu, prej disa vitesh, në raportet vjetore të punës së KQZ-së, është theksuar rëndësia e integrimit të sistemit unik të adresave në Regjistrin Qendror Civil, përmes së cilit do të mundësohej caktimi i votuesve sa më afër vendbanimit të tyre, ashtu siç kërkohet me Ligjin Nr. 08/L-288 për Zgjedhjet e Përgjithshme.

Në bazë të Ligjit Nr. 08/L-228 për Zgjedhjet e Përgjithshme, KQZ-ja mban dhe përditëson Listën e Votuesve duke u mbështetur në të dhënat e sakta dhe më të fundit të Regjistrit Qendror Civil. Në këtë proces, lista sistematikisht pastrohet nga personat që kanë ndërruar jetë ose që kanë hequr dorë nga shtetësia e Republikës së Kosovës.

Ndryshimet e vërejtura lidhen me aktivizimin e sistemit të adresave nga Agjencia për Regjistrimin Civil dhe Agjencia Kadastrale e Kosovës, i cili ka filluar në tetor 2024. Ky proces ka reflektuar natyrshëm në caktimin e Qendrës së Votimit sipas adresës së banimit të secilit qytetar dhe kjo ka pasur ndikim një numër komunash të Repulikës së Kosovës./Arbresh.info/